عن المتجر

من سلة ليبيا؟ وكيف نضمن حقك؟

أهلاً بيك في "سلة ليبيا"، المكان اللي صممناه عشان نسهلو عليك التسوق أونلاين وين ما كنت.

عارفين إن الشراء من الإنترنت فيه تخوف "يا ترى تطلع زي الصورة؟" "يا ترى الجودة كويسة؟" "ولا بنرمي فلوسي في حاجة تخرب بعد يومين؟"

أحنا في سلة ليبيا ما نخدموش بعقلية "التاجر اللي يبي يبيع ويختفي".

نظامنا مختلف:

1. معايير عالمية: قبل ما نعرضوا أي منتج في متجرنا، فريقنا يدرس المنتج ويراجع آراء بعض مستعملي المنتج الأوليين قبل استيراده. ما نجيبولكش إلا الحاجة اللي أثبتت كفاءتها عالمياً وجربوها الناس من قبل.

2. ثقتك هي رأس مالنا: مقرنا ومخازنا في ليبيا، يعني بضاعتنا مش "في الطريق"، بضاعتنا عندنا وجاهزة توصلك لعند الباب بأسرع وقت.

3. افحص قبل ما تدفع: لأننا واثقين في المنتج ونحب نضمن حقك نشتغل بنظام الدفع عند الاستلام لا تعطي فلوسك حتى تستلم منتجك، نعطوك الحق إنك تفتح طلبيتك وتفحصها قدام المندوب وتتأكد منها 100% قبل ما تسلمنا قرش واحد (إلا في حالات المنتجات اللي تتأثر بفتح الغلاف الأصلي لضمان سلامتها للزبائن).

هدفنا مش إننا نبيعولك مرة وحدة؛ هدفنا نكونوا "سلتك" الموثوقة اللي ترجعلها كل ما تبي حاجة مميزة، أصلية، وبسعرها الحقيقي.

سلة ليبيا.. الجودة اللي تستحقها، والثقة اللي تدور عليها.